عاجل
يــا الماشي ابسفـر لاحواز،وصيه أرجوك وصيناك
وصيه و لليـوصي حـگـوگ،ما تـدري أبفعل دنياك؟
صـم تــراب وصـيتك، مـــن تــرجـــع تجيب اويـاك
صــم تـراب مـن احواز كحلـه العـيـنـي و أتــرجـاك
لــو شفت الــوطن گـله، عــاشگ مبتلـي وعشگاك
گـله أنـمــوت ألـف مــوته،مـن نسـمع يمـر طرواك
گـله و نعـميـنه أعـليك و مــن يـوم الــذي عـفـناك
نسينه ارو احنه أتـولي، بـس هـيهـات ابـد ننساك
فدوه أتـروح إلك روحي،فــدوه الكل شعـر رمـشـاك
شعره ،بس تساوي الكون،الكون و هم بعد يفداك
يــا ريحـة مـسچ يـا هـيـل،مـاشـاب الــذي شماك
نبچي والــدمع مــن دم يــا عـونـه الــذي شـافـاك
يــا عـونــه اليحضنك حيل و يمـوت أبوسط حضناك
خــاف أنـمـوت بـــالغـــربــة،مـوتـة ذل بعـــد عيناك
عنوان البريد الإلكتروني هذا محمي من روبوتات السبام. يجب عليك تفعيل الجافاسكربت لرؤيته.