عاجل
مو مجروح وتصرخ
هاي اشلون لو مجروح؟
عليمن هلبواچي وهاي الدموع؟
وين جروحك التنزف عشان أتنوح؟
يبو أجروح الچذب اخجل يبو أفلان
چذبك مدخنه ومن راسك أيفوح
تبچي بالچذب،، تمساح
مالك سِـرتظل مفضوح
تتعذر ولا تخجل ؟؟!!
يلعذرك عذر ملوح
شرحت الگلب تشريح
گصاب وتگصه ابلوح
يا نگرة ملح وشلون الحساب؟
أيدك مملحة وترش جرحنه أملوح
مو مسموح كل شي ابكيفك اتسوي
لا هيهات مو مسموح
مو نجار تتفنن علينه اليوم
ولاچفك لمس مسمار يا هلوح
موصاحب وطن يلتعبد الدينار
ريتك بالعمه ودينارك المچسوح
ابچي للوطن لو تعرف الذمة
وادفع بالولد والمال گبل الروح
فاضل الاحوازي...نموت ويحيى الوطن