عاجل
تـابـوت الـغُـرُب
اخذني اوياك
تابوت الغُـرب ماشال جثماني
اخذني وياك
ماريدن غريب ايصير دفاني
اخذني وياك
لاتمشي دخيلك خاف تنساني؟
جثه وهامده ومرميه فوگ الگاع
وكناس الشوراع هو شالاني
لاصحلي چفن لا ماي لا كافور
لفلفني ابجرايد يعني غطاني
لاصرخة اخت لاام تدگ اعليك
لالمة اهل لا فزعة اخواني
لابيرق يرف لاهوسه لاچيلات
لاستارهوّس لا احد جاني
لاتسمع بچي لاتسمع انياح
لاصاحب وفي بلچذب دفناني
لاديوان الفرش وتلگه اليعزون
لا دلة حزن واساهه فنجاني
ماردت السفر والموته عند اجناب
لا انا اللي ردته ولاهو راداني
ياموت الغريب و وحشة الگاع
طمت كل فرح ما طمت احزاني
زاعتني ارضهم مارضت ليش؟
عرفتني غريب الوحدي وحداني؟
اخذني اوياك،اخذني اوياك،
اخذني اوياك للجنه الاسمهه احواز
اريد الموت بحضانه اللي رباني
اريدالموت بحضانه اللي رباني
فاضل الاحوازي...نموت ويحيى الوطن