عاجل
غرد بلبل البستان
اجه رمضان،اجه رمضان
غرد من گلب والسان
اجه رمضان،اجه رمضان
بلبل عاشگ النخلات
عشگ العصا والناطور
مافارگ وطن هيهات
گاعد بالغصب والزور
صاح حمود فوگ الدار
شفته و جيبوا الشاجور
شاف اهلال شهرالخير
وخله اسلاحه چلتنور
بس احنا ابوسط اجناب
لارمضان لاتعرف شهرعاشور
ياحلو الشمل لوچان
وسطه اهلك،سحور،أفطور
السفره الوان سبع اشكال
امطبگ سمچ وطيور
والتشريبه وسطه النيم
لازم تنوجد وتفور
بس تدري ابسجن كارون
شنهو فـَطرّوا منصور؟
شنهو اللي تسحر بيه؟
غير السوط والساطور
تسع جروح تنزف بيه
والعاشر ظلع مكسور
چم طگه وعذاب الشاف
من واحد چلب مسعور
بس صابر مثل مشداخ
ماطخ للظلم والجور
اوصيكم هلي الطيبين
لاتنسون هاي احوال كل مأسور
هاي احوال كل مأسور
لاتنسوا اسراكم،
فاضل الاحوازي ،،،نموت ويحيى الوطن