عاجل
مانسينه
مانسيناكم
يهلنه وگعدت الحوش العصاري من ترد الروح بينه
مانسينه
ايامنه وذيچ السوالف من ضحكنه ومن بچينه
ومانسيناهه
الليالي من عِشـَگـنَه ومن هوينه
ومانسيناهه
الطفوله واحلى ماضي المرعلينه
ومانسينه
ادلالنه وذيچ المضايف،صوت هاونه ورنينه
ومانسينه
الخبزه من تخبزهه امي ارغيفهه ايشبع مدينه
ومانسينه
الشيله لو فرت وجههالكون كله،يستحي ويعرگ جبينه
ومانسينه
اچفوف ابوي الما اكل غيرالحلال وذيچ احضانه وحنينه
ومانسينه
ابشوتنه وذيچ الچفافي والسلاح البيه رمينه
ومانسينه
الحره ذيچه بيوم صاحت ونتخينه
ومانسينه
اشطوطنه وذيچ السواجي المنهه شربينه وروينه
ومانسينه
الهور وبيوت الچبايش ولعشَـگ برديه طينه
ومانسينه
احلامنه وذيچ المراسي ومانسيناهه السفينه
ومانسينه
اديارنه الطيبه الحنينه،البيهه شبينه وربينه
ومانسينه
احوازنا وذيچ الشوارع،بيهه هوسنه ومشينه
ومانسينه
الاحتلال ولانسينه ايام تاريخه وسنينه
ومانسينه
وكل املنه نريد نرجع حيف بس
ماهو بدينه
حيف بس ماهو بدينه
فاضل الاحوازي..نموت ويحيى الوطن