عاجل
كارون الفخر
لا تمشي ريض يا نهر
لا تمشي روجات المشي
ركة ضلع كسرة ظَهَر
ما ننسى ذيچ اعهودنه ال وياك
من اسنين مو يوم و شهر
لا وين گلی امهودر ابروجاتك
الحرفوهن و بيك انغدر
لا تمشي ريض يا نهر
ضمد الجرح شد النخل
وسمع سوالف گاعي
الكلهن قهر
و ال يا كتر عايف هلك
عايف مكانك يا فهر
حل الظلام ابديرتي
و اذيابة سكنت بشوارع
مو بشر
اوگفلي و اشيترس مكانك ؟
يا دمع ؟
و ابيا عيون ابچيلك
ابكثر المطر
لا تمشي ريض يا نهر
خليك للاحباب ملگة
و ليل يگضونة ابسهر
و شگد مشينة ابجرفك
و كل جدم من اجدامنه
تارك على راگک اثر
لا تمشي خل ابطينك
انحني الچفوف
ابعيد وبليلة مهر
لا تمشي ريض يا نهر
ضل ارعد ابصوتك و صوتي
و خلي نهتف يا وطنه
اشگد لهمنه من الصبر
سد الك نبني ارواحنه
ونفداك يا كارونه
الاسمك فخر
لا تمشي ريض يا نهر
امنة هاني الاحوازية